QAZAQ GREEN.  2032 жылдан бастап кезең-кезеңімен пайдалануға берілетін «Каспий-Қара теңіз-Еуропа» «жасыл» энергетикалық дәлізі Италияға еуропалық нарыққа жеткізілетін электр энергиясынан пайда алуға мүмкіндік береді.

Trend хабарлағандай, бұл туралы бүгін энергетика министрі Парвиз Шахбазов Бакуде өткен Әзірбайжан-Италия экономикалық ынтымақтастық жөніндегі үкіметаралық комиссияның VI отырысында мәлімдеді.

«CESI SpA итальяндық компаниясы «Каспий-Қара теңіз-Еуропа» және «Орталық Азия-Әзірбайжан» энергетикалық дәліздерінің «жасыл» жобалары үшін техникалық-экономикалық негіздемелерді дайындау кезінде біздің консультациялар бойынша серіктесіміз болып табылады», – деп атап өтті министр.

П. Шахбазов Италия Әзірбайжанның ең ірі сауда серіктесі болып табылатынын және оның үлесіне сыртқы сауда айналымының 25% және Әзірбайжан экспортының 46,7%-ы тиесілі екенін қосты.

Айта кетейік, елдегі жаңартылатын энергия көздерінің техникалық әлеуеті құрлықта 135 ГВт және теңізде 157 ГВт-қа бағаланады. Қарабақ, Шығыс Зангезур және Нахчыван Автономиялық Республикасы ЖЭК-тің жиынтық әлеуеті 20 ГВт-қа жететін «жасыл энергия» аймақтары деп жарияланды.

Электр энергиясын өндірудегі ЖЭК үлесі 2027 жылға қарай 25%-ға және 2030 жылға қарай 30%-ға жетеді деп болжануда. Бірінші кезең шеңберінде (2027 жылдың соңына дейін) шамамен 2 ГВт қуаттылықты, ал кейінгі жылдары – 6 ГВт-тан астам қуаттылықты іске қосу жоспарлануда. Егер бірінші кезеңде ішкі тұтынуға берілсе, бұдан әрі – электр энергиясын экспорттауға және дата-орталықтарды энергиямен жабдықтауға басымдық беріледі.

Әзірбайжанда жаңартылатын энергетиканың дамуы Каспий теңізі – Қара теңіз – Еуропа, Орталық Азия – Әзірбайжан, Әзірбайжан – Түркия – Еуропа және Әзірбайжан – Түркия – Грузия – Болгария бағыттарын қоса алғанда, халықаралық «жасыл» энергетикалық дәліздердің қалыптасуымен тығыз байланысты.

https://qazaqgreen.com/kz/news/sng/3294/