QAZAQ GREEN. Транскаспийлік жасыл дәліз жаңартылатын энергия көздерінен өндірілетін артық электр энергиясын экспорттаудың ұзақ мерзімді стратегиялық бағыты болуы мүмкін, деп хабарлайды Trend.

Біріккен Ұлттар Ұйымының Азия және Тынық мұхиты өңіріне арналған экономикалық және әлеуметтік комиссиясының (ЭСКАТО) хатшылығының жоба жетекшісі Сергей Тулинов банктің жылдық жиналысы мен бизнес-форумы аясында аналитикалық баяндамаларды таныстыру барысында айтты.

Оның сөзінше, Орталық Азия бірнеше аймақтық электр энергетикалық жүйелер арасындағы энергетикалық торапқа айналуы мүмкін.

«CASA-1000 жобасы Пәкістанға және болашақта Ауғанстан аумағы арқылы Үндістанға гидроэнергияны экспорттаудың оңтүстік дәлізін ашады. Ресей арқылы өтетін солтүстік дәліз бірыңғай энергожүйенің желілері тұрақтылығын қамтамасыз ету үшін маңызды. Мұнда да кеңейту мен өзара тиімді ынтымақтастықтың әлеуеті бар.

Қытай, сөзсіз, ірі әлеуетті нарықты білдіреді, ал Транскаспийлік жасыл дәліз ЖЭК өндірген артық электр энергиясын экспорттаудың ұзақмерзімді стратегиялық маршрутына айналуы мүмкін», — деді ол.

С.Тулинов болашақта электр энергиясымен сауданы кеңейту тұрғысынан осы бағыттардың әрқайсысы қызығушылық тудыратынын қосымша атап өтті. Бұл ретте сыртқы дәліздер ішкі интеграцияны алмастыра алмайды.

Ол керісінше, олардың тұрақтылығы Орталық Азияның бірыңғай энергожүйесінің ішкі өзегі технологиялық та, институционалдық та тұрғыдан қаншалықты тұтас және интеграцияланған екеніне байланысты екенін атап өтті.

Өткен жылы COP29-да Әзербайжан, Қазақстан және Өзбекстан басшыларының қатысуымен жасыл энергияны дамыту және беру саласындағы стратегиялық әріптестік туралы Үкіметаралық келісімге қол қойылғанын еске саламыз. Келісімді іске асыру үшін Green Corridor Alliance ЖШС құрылды. Жобаның ТЭН-ін итальяндық CESI S.p.A. компаниясы жүзеге асырады.

https://qazaqgreen.com/kz/news/world/3672/