QAZAQ GREEN. Ресейдің федералдық заңнамасына енгізілген өзгерістер көппәтерлі тұрғын үйлерде күн панельдері мен жел генераторларын орнату және пайдалану жөніндегі шектеулерді алып тастады. Башқұртстанның Құрылыс министрлігіне сілтеме жасаған «Белебеевские известия» газетінің хабарлауынша, күн фасадтарын қолдану ортақ үй қажеттіліктеріне жұмсалатын электр энергиясы шығындарын 30%-ға дейін азайтуға мүмкіндік береді.

«Уфада Салауат Юлаев даңғылы маңындағы 26 қабатты тұрғын үй кешенінде пилоттық жоба іске асырылды. Оның күн фасады жылына 167 мың кВт·сағ электр энергиясын өндіреді. Бұл аулаларды, кіреберістерді жарықтандыруға, лифтілер мен домофондардың жұмысын қамтамасыз етуге жеткілікті. Ақшалай есептегенде, бір нысан бойынша жыл сайын шамамен 600 мың рубль үнемделеді. Ендігі міндет – осы тәжірибені кеңінен енгізу. Мұндай технологиялар жекелеген мысал емес, құрылыс саласының қалыпты стандартына айналуы тиіс», – деді Башқұртстан Республикасының құрылыс және сәулет министрінің міндетін атқарушы Артем Ковшов.

Жуырда Башқұртстаннан барған мамандар делегациясы Калининградтағы күн энергетикасына арналған компоненттер шығаратын кәсіпорында болды.

«Келіссөздер барысында біз құрылыс саласын дамытудың стратегиялық бағыттарын және қала құрылысында инновациялық технологияларды қолдануды, кешенді жобаларды іске асыру кезіндегі ведомствоаралық өзара іс-қимыл тетіктерін, сондай-ақ тұрғын үй секторында энергия тиімділігі мен энергия өндіретін шешімдерді енгізуді ынталандыратын девелоперлер мен инвесторларды қолдау құралдарын талқыладық», – деді Башқұртстан құрылыс салушылар қауымдастығының басшысы Адель Сайфуллина.

https://qazaqgreen.com/kz/news/sng/3726/