QAZAQ GREEN.  Қазақстан Республикасының Энергетика министрлігі жаңартылатын энергия көздері саласындағы кәсіптік біліктілік жөніндегі салалық кеңес құру туралы жариялады. Шешім нормативтік құқықтық актілерді мемлекеттік тіркеу тізілімінде № 33405 болып тіркелген Еңбек және халықты әлеуметтік қорғау министрлігінің 2023 жылғы 8 қыркүйектегі № 378 бұйрығына сәйкес қабылданды.

Бекітілген қағидаларға сәйкес кеңестің құрамына мемлекеттік органның, Ұлттық кәсіпкерлер палатасының, Кәсіптік біліктілік жөніндегі ұлттық органның, жұмыс берушілердің, салалық кәсіподақтардың (бар болса), жұмыс берушілердің салалық бірлестіктерінің немесе бейінді ұйымдардың, сондай-ақ тиісті салада бағдарламаларды іске асыратын білім беру мекемелерінің екіден аспайтын өкілдері кіре алады.

Кеңес құрамын қалыптастыру үшін өнеркәсіптік қауіпсіздік саласындағы аттестатталатын жұмыс түрлерін орындайтын және салалық біліктіліктерді әзірлеу және енгізу тәжірибесі бар мамандар шақырылады.

Кеңес құрамына кіруге ниет білдіргендер хабарландыру жарияланған күннен бастап бес жұмыс күні ішінде белгіленген нысан бойынша өтінішті және ҚР Еңбек кодексінің 35-бабына сәйкес өнеркәсіптік қауіпсіздік саласындағы біліктілік талаптарын әзірлеу және енгізу тәжірибесін растайтын құжаттарды жолдауы қажет.

https://qazaqgreen.com/kz/news/kazakhstan/3401/